| شهداء العبارة ( السلام 98 ), حتى لا ننساهم | |
|
|
كاتب الموضوع | رسالة |
---|
BoNDo2 عضو معدية معاه
عدد المساهمات : 1472
تاريخ التسجيل : 14/06/2009 العمر : 36 العمل/الترفيه (الهوايات) : بشتغل نفسى
| موضوع: شهداء العبارة ( السلام 98 ), حتى لا ننساهم الأربعاء يوليو 08, 2009 7:40 pm | |
| شهداء العبّارة (1)
زوجة الشهيد محمود محمد: ربنا ينتقم من اللي كان السبب شقيقته : كل ما نشوف ولاده نتحسر ولسه ما أخدناش عزاه في أحد الأحياء المتواضعة بمدينة المنصورة ما زالت أسرة الشهيد محمود محمد محمد، كهربائي السيارات الذي ذهب للعمل في السعودية منذ ثلاثة أعوام، تقاوم مرارة فقد عائلها في عبارة الموت منذ أكثر من عامين، وتقول زوجته أم السيد إبراهيم الشوربجي: أنا ست بيت ولا أعمل، ومحمود ربنا يرحمه كان كهربائي سيارات، وبسبب صعوبة المعيشة سافر إلي السعودية لكي يؤمن مستقبل أولادنا الثلاثة، أحمد 17 سنة، ومصطفي 16 سنة، ومحمد 10 سنوات، وقبل الحادث كان عنده المرارة فقرر ينزل عشان يعمل العملية في مصر، وحجز في العبّارة المشئومة، وكنا علي اتصال بيه لآخر لحظة قبل ركوبه العبارة عشان يطمنا عليه، لكن قدر ربنا كان أقوي، وراح مع اللي راحوا، وعرفت الخبر من التليفزيون ورحت سفاجا عشان اتعرف عليه بين الجثث ولكني لم أجده بينها، ولم يكن وقتها من يطمئننا أنه حي أو ميت، وكنت أنتظر علي المحطة الدولية في المنصورة، وحاسة إنه هييجي بس ما جاش، ربنا يحتسبه من الشهداء وينتقم من اللي ضيعوا حقه، وحق الألف اللي راحوا وسابوا وراهم هم كبير». وأضافت: «اتصرف للأولاد 300 ألف جنيه، ولكننا لم نتسلم ولا مليم، لأن الأطفال قُصّر، رغم أنني المفروض أكون الوصية عليهم أو يكون لي نصيب كأم ولكن الحمد لله، ربنا يقدرني علي تربيتهم بالحلال». وتضيف السيدة محمد شقيقة الفقيد الشهيد قائلة: «حسبنا الله ونعم الوكيل، أخويا راح وصاحب العبارة مرتاح وكمان برأوا ذمته، حرام ده ولا حلال .. دا احنا لغاية النهارده وكل ما نشوف ولاده نتحسر علي اللي راح، وماخدناش عزاه لغاية النهارده.. ما هو ما كانش فيه جثة، حتي المقابر مالناش نروح نزوره ونترحم عليه، ربنا ينتقم من اللي كان السبب ويا رب نشوف انتقامه في الدنيا عشان نحس إن لسة لينا أي تمن في الحياة دي شهداء العبّارة(2)
الطفل محمد حسانين: فقدت أبي وأمي وإخوتي الثلاثة.. ومازلت أحلم بتفاصيل الكارثة كل يوم جدة محمد: العبّارة حولت حياتي إلي جحيم.. وخاله: لو كان الأمر بيدي لحكمت بإعدام من تسبب في المجزرة أسرة كاملة لم ينج منها سوي طفل واحد، أب وأم و3 أطفال لقوا مصرعهم غرقا في كارثة «السلام 98».. الناجي الوحيد من الأسرة كان الطفل محمد أحمد محمود حسانين، 14 سنة، محمد الذي فقد مع أسرته القدرة علي النطق والحركة أصيب أيضا بروماتيزم القلب. نجح الأطباء في استعادة قدرة محمد علي النطق والحركة بشكل جزئي أما الروماتيزم ـ حسب الأطباء ـ فسيتطلب علاجا مدي الحياة. بدأ محمد شهادته لـ «البديل» حول ما حدث أثناء غرق العبّارة بالبكاء، متذكرا أسرته ثم قال: «حدث انفجار في العبّارة.. فحملني والدي مع شقيقتي ووضعنا في أحد قوارب النجاة ثم ذهب لإحضار أمي وشقيقي ولم أره بعدها مرة أخري». يضيف محمد:«زاد العدد في القارب فانقلب بنا في البحر وغرقت أختي، وتهت في البحر حتي عثر علي طاقم الإنقاذ، فقدت القدرة علي النطق والحركة لفترة. ثم علمت في المستشفي أنني أصبت بروماتيزم في القلب ومن ساعتها وأنا أحلم كل ليلة بتفاصيل الكارثة». تقول جدة محمد، 65 سنة: «العبّارة حولت حياتي إلي جحيم حيث فقدت ابنتي وزوجها وأحفادي عدا محمد الذي يحتاج لرعاية خاصة لا تسمح بها سني ولا ظروفي المادية». أما خال محمد فيقول: «فقدت شقيقتي الكبري بسبب العبّارة المنكوبة، ولو كان الأمر بيدي لحكمت بإعدام من تسبب في تلك المجزرة شهداء العبّارة ( 3 ) منال زوجة الشهيد محمد حسن : قال لي إنها آخر رحلة بعد 14 سنة غربة .. و لن يهنأ بالي حتي أجد الجثة أم الشهيد : حد يفهمني إزاي واحد يموّت1034 بني آدم ويطلع براءة .. دا اللي بيقتل حيوان بيتحاسب 14 عاما قضاها محمد حسن محمود (40 سنة) في البحث عن لقمة العيش بالسعودية . ترك محمد وراءه 4 أبناء و زوجه لم تصدق أن رحلة البحث عن لقمة العيش تنتهي في قاع البحر . تقول منال حسن فراج " ترك زوجي وظيفته الحكومية في الوحدة المحلية بمدينة المنيا . وحين سافر قال لي : آخر رحلة بعد 14 سنة غربة" تضيف زوجة الشهيد " زوجي كان يشعر بأن رحلة البحث عن لقمة العيش لا بد أن تنتهي، خاصة بعد أن كبر اولادنا الأربعة بعيدا عنه . . و يوم الكارثة فوجئت باتصاله من علي ظهر العبارة وأخبرني بلا مقدمات أنه يريد أن يسمع صوت الأولاد، وبالفعل ناديت عليهم فكلمهم ثم كلمته قليلا حتي سمعت صوت انفجار وصراخ ثم انقطع الخط". عرفت الزوجة بما حدث من التليفزيون ولم تصدق . بالمقابل ذهب اإخوته و بعض اقاربه ليجدوا اسمه مقيدا وسط الضحايا . تقول منال " بحثنا عن الجثة فلم نجدها .. و لن يهدأ لي بال حتي اجد جثته و يصبح له قبر يزوره أولاده الذين حرمتهم العبارة من وجوده " . أما والدة الشهيد فلخصت ما حدث في سؤال واحد قائلة " حد يفهمني إزاي واحد يموت 1034 بني آدم في لحظة ويطلع براءة .. دا اللي بيقتل حيوان بيتحاسب"!! وكل ما ااعرف اجيب حد جديد هحط اسمه ان شاء الله | |
|
| |
THE ANGEL v i p
عدد المساهمات : 1818
تاريخ التسجيل : 14/06/2009 العمر : 33 العمل/الترفيه (الهوايات) : student
| موضوع: رد: شهداء العبارة ( السلام 98 ), حتى لا ننساهم الأربعاء يوليو 08, 2009 9:01 pm | |
| بجد عمرنا ما هننساهم وخاصه ان من ضمنهم حد قريبى ربنا يرحمهم جميعااااااااااا ميرسى يا بندق وجزاك الله كل خير
| |
|
| |
S A K R ادارة المنتدى
عدد المساهمات : 2038
تاريخ التسجيل : 11/06/2009 وسام :
| موضوع: رد: شهداء العبارة ( السلام 98 ), حتى لا ننساهم الأربعاء يوليو 08, 2009 10:25 pm | |
| تسلم يا واد
وربنا الواحد قلبه بيوجعه عليهم | |
|
| |
SEMSEM مراقب عام
عدد المساهمات : 5903
تاريخ التسجيل : 12/06/2009 العمر : 35 العمل/الترفيه (الهوايات) : جامعى وسام :
| موضوع: رد: شهداء العبارة ( السلام 98 ), حتى لا ننساهم الخميس يوليو 09, 2009 2:57 pm | |
| عمرنا ما هننسااااااااااااهم اللهم ارحمهم | |
|
| |
BoNDo2 عضو معدية معاه
عدد المساهمات : 1472
تاريخ التسجيل : 14/06/2009 العمر : 36 العمل/الترفيه (الهوايات) : بشتغل نفسى
| موضوع: رد: شهداء العبارة ( السلام 98 ), حتى لا ننساهم الأحد يوليو 26, 2009 1:51 am | |
| ميرسى يا انجل وسمسم وصقر ليكم على ردودكم | |
|
| |
folla v i p
عدد المساهمات : 3218
تاريخ التسجيل : 12/06/2009 العمر : 34 وسام :
| موضوع: رد: شهداء العبارة ( السلام 98 ), حتى لا ننساهم الأحد يوليو 26, 2009 9:24 am | |
| ربنا يرحمهم يارب
بس فعلا الواحد عمره ما هينساهم تسلم يا بندق | |
|
| |
لمسه ريماز v i p
عدد المساهمات : 1897
تاريخ التسجيل : 02/07/2009 العمر : 31 العمل/الترفيه (الهوايات) : طالبة
| موضوع: رد: شهداء العبارة ( السلام 98 ), حتى لا ننساهم الأحد يوليو 26, 2009 3:12 pm | |
| والله إستحالة ننساهم وبجد الغلط على القضاء المصري ليه ما بيطبقوش الشريعة الإسلامية في التعامل (من قتل نفس بريئة بغير حق) يجب أن يقتل شوفو نفس واحده بس لكن دول كام ألف نفس بجد واللـــــــــــــــــــــــــه حراااااااام ميرسي ليك على التوبك | |
|
| |
BoNDo2 عضو معدية معاه
عدد المساهمات : 1472
تاريخ التسجيل : 14/06/2009 العمر : 36 العمل/الترفيه (الهوايات) : بشتغل نفسى
| موضوع: رد: شهداء العبارة ( السلام 98 ), حتى لا ننساهم الجمعة يوليو 31, 2009 6:55 pm | |
| | |
|
| |
BoNDo2 عضو معدية معاه
عدد المساهمات : 1472
تاريخ التسجيل : 14/06/2009 العمر : 36 العمل/الترفيه (الهوايات) : بشتغل نفسى
| موضوع: رد: شهداء العبارة ( السلام 98 ), حتى لا ننساهم الجمعة يوليو 31, 2009 6:55 pm | |
| امانى عندك حق فى كل اللى انتى قلتيه بس بجد هنعمل ايه يعنى | |
|
| |
| شهداء العبارة ( السلام 98 ), حتى لا ننساهم | |
|