هل تعود لمن خانك .. أو جرحك .. ؟؟؟؟؟

أهلا بيكم يا أعضاء منتدى أجدع صحاب

سؤال خطر على بالى وحبيت أعرف رأيكم فيه
هل لو انت أو انتى كنت /ى بتحب/ى حد قوى
ولسبب من الاسباب خانك او بعد عنك
أو بمعنى أصح جرحك بأى طريقه من الطرق

هل لو رجع تانى ندمان وقالك انه مش هيعمل كده تانى ..
هل ممكن تسامح او تسامحى ؟؟؟
مستنى أشوف ردودكم فى الموضوع ده

على حسب الى عمله يعنى خيانة يبقى استحالة اسامح لان الى يخون مرة هيخون تانى

اما فيه حاجات تانى ممكن يعملها ممكن اسامحه عليها لو بجد بحبه اوى وحسيت انه فعلا ندمان

تسلم على التوبك يا محمود

ميرسى على التفاعل والرد ياجميل

واضح ان قلبك طيب قوى
هههههههههههههههههههههههه

يا بنى الخيانه دى صعبه وانت فاهم اللى فيها عيب تسال سؤال زى دا

على العموم مستحيل طبعا

ماشى ياسى بندق

تسلم على الرد
مش بقولك المعسكر غيرك

اقتباس :

هل لو انت أو انتى كنت /ى بتحب/ى حد قوى
ولسبب من الاسباب خانك او بعد عنك
أو بمعنى أصح جرحك بأى طريقه من الطرق

هل لو رجع تانى ندمان وقالك انه مش هيعمل كده تانى ..
هل ممكن تسامح او تسامحى ؟؟؟

لو بيحبوا بعض فعلا اوى يبقى لازم يكون فيه تسامح بينهم

لانهم بشر مش ملايكة و الكل بيغلط ده بالنسبة لو طرف جرح التانى واكيد هيكون بدون قصد

لو بُعد بقه مش عارفة البُعد ده يبقى على أساس ايه

اتنين بيحبوا بعض هيبعدوا ليه وايه دافعهم للبعد ؟ بس برضه هيكون فيه تسامح لان طالما رجع وندمان يبقى باقى عالحب ده

بالنسبة للخيانة

طرف يخون التانى يعنى اساسا مفيش حب

وانه الحب ده كان ارتياح او اعجاب مش أكتر

انما يرجعوا لبعض لأ

ميكونش فى دى تسامح

بس كده

ده رأيى المتواضع

بس فكرة التوبيك هايلة يا محمود والله

ميرسى جداااا يارحيق

نورتى التوبيك بردك

لاء طبعا لان ال قدر يخونى او يجرحنى مره
يقدر يجرحنى بعد كده
لانه لو بيحبنى مكنش خانى من الاول
بس ممكن اتعامل معاه عادى بعد كده
بس مرجعش زى الاول فى احترامى وثقتى له
هيبقى تعامل سطحى خاااااااااااااااالص

عادى خالص
ماهو جرح مره ومرتين ورجعنا
بس متهيالى بعد التجربه الاولانيه
معتقدش انى هاقدر اسامح اوى
كفايه اوى لحد كده

تسلم يامحمود على التوبيك

ميرسى ياجماعه على المرور والرد

وعندى رأى ان اللى بيخون مرة بيفضل طول عمره يخون

انا شايفه انى لو بحبه قوى هسامح لانى هابقى محتجاه جمبى
ممكن اسامح فى اى حاجه وانساها كمان
بس لما برجع تانى بكون غير المره الاولانيه
بيبقى فى حرص وبخلى بالى من كل تصرفاته
وبعدين ممكن يكون السبب منى
يعنى من الاخر هارجع وابدا اراجع نفسى اغير اسلوبى معاه
وكل حاجه بترجع زى الاول بس من غير مايبقى فى ثقه قوى

خلالالالالالالالالالالالالالالالاص

القلب مااااااااااااااااااااااااااااااااااات

اى خيانة لابد يقابلها خيانة للى خاننى

للاسف بسامحة والامور بترحع عادى
نايس توبيك يا صقر