ازاي تعرف انك في فرح مصري

ازاى تعرف انك فى فرح مصرى
==================
من البدايه كدا هتلاقى الدعوه بتاعت الفرح جايالك وعليها عباره ..
[جنه الاطفال منازلهم]

يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته

لما تلاقى الزفه الدمياطى الازليه اياها
وبسم الله الرحمن الرحيم وهانبتدي الليله اااااه اااه

وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان

لما تلاقى العريس بيبخر العروس عشان الحسد احسن تتكسر ولا حاجه
وتلاقى العروسه بتبخر العريس احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه

لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
(ياساتر ياحجه وانتي مالك بس)

وتلاقى البنات بقا واقفه اللى تقول:
ايه دا فستانها بيئه اوى ايا
والتانيه تقولها:
اكيد مأجراه من عند الكوافير اللى عملها التسريح اللى شبه تسريحه المجانين دى
(اسمالله على فستانك ياختي)

لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز
(والنظره الي بتقول انت بتبصلي كدا ليه ماتتلم لحسن اخلي وشك الفرح وانت العريس فيه هههههههههه)

لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنى)
(مدد مدد مدد ياسيدنا الشيخ حي )

لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض وينطوا فوق بعض عشان يتفرجوا عليها
(طبعن عشان كول واحده ترجع تخلي ليلة جوزها بيضه زي الورد وانت وانت وشوفت لا مشفش ياحجه هههههههههه)

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)
(اهو انا بجد ببقا هموووووت واعرف بيقولها ايه ههههههههه)

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)
(طبعا هنا الولاد تستعرض الاحزمه الي الحلقه بتاعتها لو الواحد اتلطش بيها توديه في ستين داهيه والبنات تستعرض الامكانيات الاستراتيجيه للبلد الواجب بردو)
لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)

لما تسمع السؤال الابدي
(هو البوفيه هايفتح امتى...الواحد جاع)
(ياعمي انت جاي اصلا مش عشان عيون العريس ولا تتامل في جمالو وتقول سبحان الخلاق لا عشان البوفيه)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك

لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)
(كان بياكول عشان يجامل العريس يجاملوا انو يخم الطبق لحد مايقول بس وبردو بيجاملو ياجماعه)

لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه
و العروسه بقى بتزلهم
(اه طبعا بيضربو عصفورين بحجر اهو فال ابيض بالجواز ومنها كمان البوكيه ده يجي ب150 ريال واسمها هتمشي ببوكيه )

لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط
(اكيد طبعا مابكرا هتطلع عينك)
[center][size=21][b]لما تلاقي العربيه بتاعه العروسه فيها جميع انواع والوان الورد
و دلوقتي الموضه الجديده بقى البيبي لايت

لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب
---------------

ههههههههههههههههههههههههههههههههههههه
فعلا والله يا مودي دا الي بيحصل

ههههههههههههههههههههههههه
دا حقيقى بجد
لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
(ياساتر ياحجه وانتي مالك بس)

ودى اكتر حاجه بتستفزنى فى الفرح
عواجيز الفرح على راى مش عارف مين
شكرا ياجميل على التوبك

هههههههههههههههههههههههههههه
ههههههههههههههههههههههههههههههه
لالالا بجد جامده
وبكره نشوف فرحك هيبقى عامل ازاى

ههههههههههههههه
طب اية رايك بقى
انك مش هتحضر فرحى

هههههههههههههههههههههههههههههه

جاااااااااااااامد التوبيك يا محمود

اما نشوف فرحك بقى هيبقى ازاى

بس متنساش تعزمنا

ههههههههههههههههههههههههههههههههه
جاااااااااااامد أخر حاجة

هههههههههههههههههههههههههههههههههه

ياوحش
جامده اخر حاجه يابني والله العظيم هو ده اللي بيحصل وبذات في حكايه النميمه ده
تقعد الست من دول تلعن في اسلاف العروسه واللي جابوها لحد ماتطفي نارها
تسلم يا جميل نايس توبيك