S A K R ادارة المنتدى
عدد المساهمات : 2038
تاريخ التسجيل : 11/06/2009 وسام :
| موضوع: فتحية وسنية وبنتها فتكات شوفوا الحكايات الجمعة يوليو 31, 2009 4:11 am | |
| فتحيّة : ألووووووووو سَنيّة : أهلا يا توحة ازيك ؟ فتحية : مين سنسن ازيك انتي وعامله ايه ؟ سنية : الحمد لله ياختي بصي عندي ليكي خبر حلو فتحية : خير ان شاء الله سنية : فتكات بنتـي اتخطبت لمحسن ابن الأستاذ مسعود جارنا فتحية : لولولولولي مبروك يا حبيبتي سنية : الله يبارك فيكي عقبال بنتك رَوحيّة يا رب فتحية : يا رب
سنية : طبعا ح تشرفونا فتحية : فين؟ سنية : هنا في بيت أبوها وكتب الكتاب في المسجد فتحية : ايه ده ! الخطوبة في البيت ؟ هوّ بيتكم حايكفي أهل الشارع والجيران ؟ ده حتى عيلتكم كبيرة سنية : ح يكفّي بس قولي ان شاء الله
فتحية : ان شاء الله ويا ترى جبتم الشبكة ؟ سنية : أمال ايه ...إسورة وخاتم زي العسل فتحية : ايه إسورة وخاتم بس ! ده انتي بنتك تستاهل تُـقلها دهب سنية : الله يخليكي المهم السعد
فتحية : لا لا لا لا يا سنية انتو اتساهلتوا ..لازم العريس يدفع علشان يحس بقيمة عروسته, كده رخّصتوها
سنية : تفتكري ياختي ؟
فتحية : طبعا ولازم يجيبلها أحسن فستان كمان سنية : بس هي ح تلبس فستان أختها فتحية : ايه....ده كلام ؟ ...دي ست العرايس
سنية : طب أعمل ايه ياختى ده خلاص الخطوبة بكره ؟
فتحية : كلّمي أبوه وأمه واتمسكي بموقفك .. لازم يجيب لها فستان ويزوّد الشبكة وأعملوا الحفلة في نادي
سنية : بس انتي عارفة جوزي ما بيحبش كده فتحية : خلاص خليكي كده سلبيّـة وسيبي بنتك تتهان وتتباع رخيصة , فين الايجابية ؟ هو انتي ياختي ما سمعتيش عن صناع الحياة واللي بيعملوه سنية : آه سمعت في التليفزيون فتحية : خلاص أعملي حاجه بسرعة سنية : أنا ح أقفل معاكي وأكلم أهل محسن
وفـعلاً.. استجابت سنية لوسوسة فتحية وكلمت العريس وأهل العريس
واتفركشت الجوازة
وعيّطت فتكات ... ومرت الأيام وفي ليلة من الليالي سمعت سنية زغـروطة كبيرة ولولبيّـة
سنية : فتكات فتكات : أيوه يا ماما سنية : سامعة اللي أنا سامعاه ؟ فتكات : اهيء اهيء أيوه يا ماما سنية : دي زغـاريـط ..يا ترى منين؟ فتكات : من عند طنط فتحية سنية : الله...روْحيّـة اتخطبت ؟ فتكات : اهيء اهيء أيوة يا ماما
سنية : طب بتعيطي ليه..عقبالك يا نور عيني...ما تزعليش
فتكات : عارفة اتخطبت لمين يا ماما ؟ سنية : لأ...اوعي تقولي فتكات : محسن يا ماما .. وقدّم لها نفس الإسوِرة والخطوبة ح تكون في بيتهم مش في النادي.. وكمان لبست فستان بنت عمها
إهـيء إهـيء إهـيء إهـيء | |
|
the queen of arts v i p
عدد المساهمات : 3395
تاريخ التسجيل : 12/06/2009 العمر : 32 العمل/الترفيه (الهوايات) : student وسام :
| موضوع: رد: فتحية وسنية وبنتها فتكات شوفوا الحكايات الجمعة يوليو 31, 2009 4:13 pm | |
| هههههههههه اهئ اهئ اعيط انا كمان دول طلعوا ندله خطفوا محسن من فتكات ياعينى عليها ربنا يعوضها باللى احسن منه | |
|
THE ANGEL v i p
عدد المساهمات : 1818
تاريخ التسجيل : 14/06/2009 العمر : 33 العمل/الترفيه (الهوايات) : student
| موضوع: رد: فتحية وسنية وبنتها فتكات شوفوا الحكايات الجمعة يوليو 31, 2009 4:38 pm | |
| هههههههههههههههههههههههههه يستاهلوا دى اخرة اللى يتبطر عالنعمه خليها بقى قاعده كده وبكره ولاد روحيه يروحوا يلعبوا معاها | |
|
S A K R ادارة المنتدى
عدد المساهمات : 2038
تاريخ التسجيل : 11/06/2009 وسام :
| موضوع: رد: فتحية وسنية وبنتها فتكات شوفوا الحكايات الأربعاء أغسطس 19, 2009 8:44 am | |
| هههههههههههههههههههههههه
هههههههههههههههههههههههههههه ميرسى ياكوين على الرد وانتى يا انجل بلاش شماته حرام عليكى | |
|
صعبة المنال عضو نشيط
عدد المساهمات : 176
تاريخ التسجيل : 28/06/2009 العمر : 34 العمل/الترفيه (الهوايات) : لسة بدرس .....
| موضوع: رد: فتحية وسنية وبنتها فتكات شوفوا الحكايات الأحد أغسطس 23, 2009 11:57 am | |
| هههههههههههههههههههههههه
تستااااااااااهل في حد برده يسمع كلام طنط فتحية دي شرانية وانا عرفاها بس بجد يا محمود والله ضحكتني كتييييييييييير | |
|
meroo meroo عضو جديد
عدد المساهمات : 36
تاريخ التسجيل : 11/06/2010 العمر : 30 العمل/الترفيه (الهوايات) : الصمت
| موضوع: رد: فتحية وسنية وبنتها فتكات شوفوا الحكايات الثلاثاء أغسطس 24, 2010 4:35 pm | |
| ههههه حلو الحوار ده والله بدأت اصدق مقولة صحبتى عيش ندل تموت مسطور شكرا لك ياصقر على الموضوع الرائعه ده | |
|