مناقشة جادة

folla كتب:

والله عندك حق

القناه الواحده بتجيب خمسين مسلسل
ربنا يهدينا احنا بقي

نور العيون كتب:

هوفعلا ده الطبيعى ال بيحصل
بس كل واحد يقدر يتحكم فى نفسه
ومننساش ان المسسلات ال بتتعرض فى رمضان
بتفضل تتعرض السنه كلها يعنى هتشوفها هتشوفها
اما بقى رمضان مبيجيش غير شهر واحد فى السنه
والشاطر ال يعرف يستفيد بيه
وانا مش هقولك مش تفرج هتفرج بس والله مش ع كله
هههههههههههههههه اصل بصراحه بضعف قدام المسلسلات
هو ده الشعب المصرىمبيفوتش حاجه
هههههههههه
تسلمى يا قمر

SEMSEM كتب:

هوة دة العاااااادى بتاعهم علشان محدش يفكر يصلى او يقراء قراءن
مخططات غريبة
ومش عارف لمصلحة ميييييييييين



والف مسلسل ومسلسل

واشكااااال والوااااااااااان


احسن حاجة منتفرجش على اى حاجة

some body is me كتب:

والله زى ما الاعلام بيعمل المسلسلات والبرامج الترفيهيه
فى بردة برامج دينية كتيرة فى 30 قناه متخصصة فى برامج الدين
وكلها برامج متنوعه

للاسف العيب مش فى الاعلام بس العيب فى نفوسنـا الضعيفـه

انا هاقولك احلى حاجه
بابا شال التليفزيون خاااااااالص
هههههههههههههه
وكمان كان شايل النت
يعنى الحمد لله كان فى سيطره جامده
ومعرفش اى حاجه عن المسلسلات ولا البرامج اللى بتتعرض فى الشهر ده
هو اى نعم زعلنا فى الاول على اللى هو عمله
بس هاقولك فى الاخر انه عمل الصح
رحمنا من التليفزيون
وخصوصا انهم بيتفننوا فى العرض طول شهر رمضان بس
تخلصى من مسلسل تدخلى على التانى والتالت
بس الحمد لله