امشى معاكى اه.. اتجوزك لا

ودار الحوار الان بين:الكابتن سعدون
و" اللى كانت"حبوبته :سعدونه

ان ان ان تش

الكابتن سعدون:بصى بقى ياسعدونه
مشيت معاكى يااوختشى اه
يبقى ماتجوزكيش
ولا تلزمينى ولا ألزمك

سعدونه:مشيت معايا ياخويا اه يبقى متتجوزنيش

انت بتهزر ولا ايه متأكد من كده

الكابتن سعدون:اه يااوختشى ياحبيبتشى كده ونص على رأى ابلتك نانسى

-سألت انا بقى عم سعدون:

ايه اللى قولتو ده
قالى

يا سويت يا كتكوته
اللى امشى معاها ماينفعش انى اتجوزها

اقولو
طب وليه

ال ايه بيقولى

علشان هيه مشيت معايا وخرجت واتفسحت معاها حبه وكلنا مع بعتينا فى كنتاكى
وكمان كان ممكن تعمل كده مع حد غيرى

قولتلو
طيب انت تضمن منين بقى ان البنت اللى هتخطبها او اللى هتتجوزها دى
مش تبقى عملت كده مع كتير غيرك؟

سكت عم كابتن سعدون وماردش عليا

عاوزاكم انتو بقى تردو عليا
فعلا فى حاجه اسمها
البنت اللى تمشى معاها متتجوزهاش؟
وليه لو أه؟

هستنى ردكم عليا

والله الموضوع بيرجع ع حسب الشخصيه
بس اعتقد ان الرجاله فى مجتمعنا الشرقى
معظمهم بياخدوا بالمقوله دى امشى معاكى اها واتجوزك لاء
طب ال نفسى بقى اعرفه ليه الرجاله بيحللوا ع نسفهم يعرفوا بنت واتنين وعشره كمان
اما البنت ال عاوز يتجوزها المطلوب منها بقى متكونش تعرف حد قبله
وطبعا كالعاده فيه رجاله هيقولولى ايه ال بتقوليله ده
لا طبعا انا مش منهم مليش دعوه غير بحيات البنت من اول ما اختبطتها اما الماضى مليش دعوه بيه
بس هرد واقولهم ده كلااااااااام بس وقت التنفذ مستحييييييل
اى راجل مش هيوافق ان ال هيتجوزها دى كانت مرتبطه بحد قبله
علطول هيبقى عنده شك نحيتها
بس ال عاوزاه اقوله زى ما بيحللوا لنفسهم انهم يعرفوا بنات ويرتبطوا بيهم ميحرموش بقى ع البنت ترتبط بحد قبله

أولا بحييكى ياهند على الموضوع ده
اه فيه ناس كده
بس مش كل الرجاله طبعا
ومينفعش الموضوع يتعمم
بس فعلا الكلام ده موجود
وزى مافيه كده فيه كده
أنا مفيش عندى تفسير ليه هو بيفكر كده
بس أنا عن نفسى شايف ان اللى بيفكر كده مريض
طب ليه من الاول تمشى معاها لو انت مش ناوى ؟؟؟

ياسويت فى فرق بين واحد يمشى مع واحده وواحد بيحب واحدة

وللاسف دا اللى بيحصل فى الدينـا.... الولد بيعرف البنت بعدهـا باسبوع البت تقله انت عايز منى اية ....وطبعا الولد بيبقى مش عارف هو عايز ايه لانه عايز يمشى معاها بس ! فلازم يقلها بحبك وحشتينى .... وهتجوزك والحوار دـا
انمـا اللى بيحـب حد مش ممكن حتى يقول انه حتى ماشى معهـا لانهـا هتبقى مراتهـ فى الاخر

والله يا سويت مش عارفه هما بيثفكرو إزاي
بس اللي أنا أعرفه إن الناس اللي بتفكر كده مريضة نفسيا
وإزاي أمشي مع ولد وما عرفش هو ناوي على إيه
ناس تقولك دي صداقة بس
بس كل اللي أنا أسمع حكايتهم تكون صداقة فجأه تقلب بحب
إزاي مش عارفه
[/size[size=24]]تسلمي سويت على التوبيك

تسلمولى يااجمل اعضاء على المرور الجميل دا
فى انتظار الباقى عشان نسمع رايهم بردو

انا بصراحة مش عارفة بس بيتهيقلي اني لو كنت ولد وحبيت وحدة بجد هروح اقولها وعلشان يحبها يبقي يخاف عليها ومعني انة يخاف عليها انة ميخليش حد يتكلم عليها بمعني يرتبط بيها شوية وبعدين يتقدملها مش بعدها يتخلي عنها ويقلها سلام اصل انا مشيت معاكي
وفي صبيان بيقولوا طالما مشيت معايا تبقي مشيت مع غيري وهتمشي مع غيري
انا حسة ان كلامي مش مفهوم اصلا
شكرا يا سويت علي الموضوع

لا كلامك مفهوم طبعا
واسعدتنى مشاركتك جدا
بس فع معظم الولاد بيكلم البت على اساس تسليه والبنت بتبقى مفكراه بيحبها بجد وتحبه
وتتعلق بيه وفجاه يقولها سلام اصل لاقيت اللى اجمد منك وزقت منك وانتى بقيتى كئيبه
وتساله يعنى مش هاتتجوزنى يدحك اتجوزك ايه انا ما اتجوزش واحده مشيت معاها

دا سيناريو بيتاعد مليوم مره فى اليوم

انتو ليه يا جماعه متبصوش للموضوع من ناحيه البنت واعو تقولولى ان البنات فى مجتمعنا قطط مغمضه لان كده هنبقى بنضحك على بعض انا مش بهاجم البنات بس البنت اكيد عارفه انها فى مجتمع شرقى مش بيقبل بان واحده تحب قبل الجواز اساسا فما بالكو بانها تخرج وتمشى مع واحد كمان يبققى لازم الغلط مش يبقى عالولد بس والبنت كمان مشتركه معاه لاانه اساسا سمحت بكده وصدقونى البنات عارفين الكلام ده كله بس بيدفنو راسهم فى الرمل ومش بيعترفو بده
اسها حاجه ان احنا نرمى الغلط على بعض
بس انا بس عايز افكركو بكلام ربنا لما قال
ولا متخذات اخدان
شكرااااااااا

كلامك صح طبعا
والغلط على البنت قبل الولد
بس البنت بييجلها وقت بيكون جواها طاقه
واول حد بيخب بتفتح الباب ومابتفكرش ازا كان حلو ولا وحش
اصل هى لو مالاقيتش اللى يساعدها ماكنتش عملت كده
يعنى انت قعدت تقولها كلام حلو هاتقفل ودانها مره اتنين التالته لا

هما ماشاء الله بيحللوا كل حاجه للولد ويحرموها على البنت
طب ليه مافيش تعادل بينهم
ليه كل حاجه حرام علينا
الولد من دول يخرج يتبسط ويعيش حياته واحنا لو فكرنا نعمل حاجه فيها قطع رقاب
والواحده تبقى مصدقاه وخلاص شايفه انها كل مستقبله وهو ولا هنا ماشى معاها ومع مليون زيها فى نفس الوقت
بجد حاجه تخنق

فعلا ياكوين
كل اللى بيعملوه عادى انا راجل انما احنا لا انتى بنت عيب مايصحش
بس العيب مش عليهم يختى
العيب فى اللى وصلهم ان كل حاجه حلال ليهم وحرام لينا
العيب فى اللى فهمهم انهم لازم يعيشو حياتهم قبل الجواز براحتهم
العيب فى اللى فهمهم انهم ممكن يكلم اى بنت ويمشى معاها انما لما يتجوز يسيب اهله يختاروله واحده كويسه
العيب فى اللى فهمهم ان البنت اللى مشيت معاه مشيت مع مليون غيره