ما سبب تغير المشاعر..دعوة للنقاش ,,,

السلام عليكم

ازيكم يا جماعة

الموضوع ده بجد شاغلنى اوووى وعايز رأيكوا معايا ...

الموضوع كله بيدور حول سؤال وهو ماسبب تغير المشاعر؟؟

لو انت بتحب بجد ممكن مشاعرك تتغير ؟؟

طيب لو ممكن تتغير ايه هيا الاسباب ؟؟

مشاعرك خدعتك تجاه الشخص ده في الاول وكنت فاكر انها بجد ؟؟

ولا هيا مشاعرك ما اتغيرتش بس هيا ظروف حصلت ؟؟

ويمكن مشاعرك زي ما هيا بس ظروف الحياة والضغط حسسك بكدة ؟؟

طيب هو ممكن يكون الروتين هو اللي وصلكم لكدة وان مفيش تجديد ؟؟

هسألك بجد بقى ..

لو حبيت ومشاعرك اتغيرت هتقول ؟؟

طيب لو سكت مش هتحس انك بتظلمه ؟؟

ولو اتكلمت برضه هتظلمه ...

طيب هو انت ممكن تسكت عشان خايف على مشاعره وبعد فترة تلاقي

مشاعرك انت بتتجه لحد تاني ؟؟

وساعتها هتعمل اييييه !!؟؟ افتكر انك سكت عشان مش تظلمه

طيب ما تيجي نعكس بقى ..

لو انت بقى اللي في الموقف المقابل .. يعني حبيبك مشاعره اتغيرت من ناحيتك

لو هو ما اتكلمش بس انت حسيت كدة ,,هتعمل ايه ؟؟

طيب لو هو جه قالك بقى ان مشاعره اتغيرت وانه مش عارف السبب ومش عايز

يظلمك .. هيكون رد فعلك اييييييييه ؟؟
انا عارف ان الموضوع صعب .. بس كل حاجة فعلاً بتتغير حتى المشاعر قابلة للتغيير
يلا عايز ارائكم بقى .....
وعايز اعرف ليه الاتنين بيكونوا بيحبوا بعض وفى يوم وليله المشاعر بتتغير والواحد ممكن يتحجج بالزهق ده مكانش حب من الاول ولا ايه رغم ان الاتنين بيكونوا عايشين اجمل ايام عمرهم مع بعض ؟؟

مستنىه الاراء ...

المشاعر الحقيقة فى الحب عمرها ما تتغير
لان اللى بيحب عمرة ما بيكرة حتى لو الحب دة مكملش

ممكن المشاعر مش تتغير بس تحصل حاجات وظروف
تخلينا نضطر نعمل حاجات ضد حبنا حتى لو كان دة مؤلم

لان اللى بيحب بجد بيبتمنى السعادة للى بيحبة حتى لو مش معاة
واهى دايرة وبتدور علينا وسنين الحياة ماشية

اتمنى اكون وفيت بالرد

الي بيحب بجد
عمر مامشاعره هتتغير تجاه الي بيحبه
الا اذا كان في حاجه تستهال انهم يبعدوا عن بعد
تسلمي يا قمر ع التوبيك