عمرك حسيت انك مجرد شخبطة عالحيط

[size=29]أولاً .. ازيكمـ ياآ شبابـ ياربـ كدا داايما تكونو بخير .,
والنهااردة انا جاية ليكم بفكرة او بموضوع وكلام جديد بصراحة عجبنى كتيير
لماا اتكلمتـ فية مع نااسـ تانية وكدا والموضوع عجبنى وقلت لازم اجيبو هناا
وكماان نتكلم فيه احناا
وسبونى ادخلـ ف جو الموضوعـ .,


هبدأ موضوعي النهاردة بكلمتين مهمين وبعدين هبدأ تساؤلاتي

من وجهة نظري الخاصة ان جميع الكتابات الأدبية والمنهجية ,, بل وأحيانا البشر أنفسهم

بتتساوى مع الشخبطة الهمجية على الجدران فى الشوارع او المبانى او الميادين العامه

بمعنى إيه .....!!

بمعنى ان كل واحد فينا بيبص لأى حد تانى إنه أحسن منه .. طب ليه ..؟؟

عشان مثلا الإنسان اللى بننظر إليه دة ألف كتاب أو قصيدة شعر .. او حتى كتب نثر ولا أغنية ..

طب ليه مابنفكرش ان الإنسان اللى عمل كدة دة ممكن يكون زينا بس مر بتجربة أفادته أكتر ما بعترته معانا

من كتر ما بنشوف غيرنا اكتر من نفسنا وبنحلله ونحلل شخصيته بقينا حاسين كأننا عايشين بهمجية فى الحياة

يعنى احنا مجرد شخبطه ع الحيط .. شخبطه مرسومه بسبراى دوكو او قلم سبوره

كل واحد فينا اترسم على جدار وعارف انه هيجي يوم وهيتعرض لعوامل جوية صعبة

هتبهت لونه وهتمسحه مع الوقت ومش بعيد يتفرفت حتت مع جدار بيتهد

طب احنا متبعترين ليه .. وليه دايما الحلو ما يكملش ؟؟

تلاقى راجل محترم والناس كلها بتحلف بأدبه وأخلاقه .. لكن لو دورت شوية وبحثت عنه كويس ممكن يكون إبن حرام

تلاقي قصيدة شعر كلماتها فى منتهى الروعة .. محطوطة فى اطار مش مناسب ليه

طب ايه ذنبنا يتحكم علينا بظروف مكانتش بإختيارنا من البداية

وليه بنحكم دايما على الناس قبل ما نحكم على نفسنا ..!!

طولت عليكم فى الموضوع .. أتمنى تردوا على تساؤلاتي الجاية ..

1.عمرك حسيت إنك شخبطة ع الحيط ..؟؟

2.هل فعلا احنا متبعترين ومحتاجين ترتيب ..؟؟

3.لحد فين ممكن ياخدنا تفكيرنا لو فعلا كنا مجرد شخبطة ع الحيط ..؟؟

4.وياترى هنفضل عايشين فى الهامش دة فترة أكبر من اللي عشناها ؟؟

5.أعذرونى بس لازم أسأل ........ إحنا ليه ..؟؟

ياربـ ألاقى مشاركاتـ من الى بتمناهاا او بتمنى انى اشوفهاا .,
وأعرف وجه نظر كلـ واحد فيناا .,

وتحياآتى ليكمـ ., [/size]

والله احن اللى بادينا نكون شخبطه ولا لا
والواحد هو اللى بيصنع نفسه مش اقعد فى مكانى وابص لغيرى لا اقوم واتحرك واعافر لحد ماوصل وساعتها مش هتفرق معايا اى حاجه لا هبقى عارف انى ماقصرتش وانى عملت اللى عليا

محمد يا رجب اهدى علينا دحنا بلديات وانا عارفة شارعكم فاخد بالك وابقى بص يمين وشمال
هة ماشى
عشان انت بدات تلعب فى عداد عمرك
ههههههههههههه

مودى حرس ولا تخونش

يسلمووووووووووو مروركم

سمسم
اقف فى صفى ماشى
هههههههههه
رجب خلاص بقى فى البلاك لست
ههههههههههه