.... ما هو احنا لو قسمنا الاشخاص اللي بيحبوا هنلاقي انهم 3 انواع مش نوعين بس ... اقولكم
النوع الاول : حب من طرف واحد .. يعني انا ممكن احب شخص مش بيحبني و النوع دا بيكون صعب شوية لانك ممكن تتعذب فيه و ممكن يسبب لك جرح كبير
النوع التاني: حب متبادل .. يعني الشخصين بيحبوا بعض اوي و فيه تبادل في الحب دا و بيكون احساس جميل اوي اوي اظن الكل عارفة و جربه
النوع التالت : ان حد يحبني من غير ما اشوفه .. طب ازاي دا ؟!! ما هوا دا اصل موضوعي يا عرباوية
إن فيه شخص حبنا اوي اوي قبل ما يشوفنا و احنا بنحبه بالكلام بس الشخص دا بذل حياته و حركاته و سكناته عشان يعلمنا و يرشدنا في حياتنا لانه عايز المصلحة لينا اوي و عايز يوصلنا للطريق الصحيح
الشخص دا بنحبه بالكلام بس ... برغم حبه العظيم لينا
اظن كلنا عرفناه ... اكيد مفيش غيره ... اكيد هوا ظاهر لينا اوي .. واضح زي الشمس و احنا كتير بنطبق حركاته و نسمع كلامه اما بناكل بنمشي بنركب بنام
الراجل دا هوا قدوتنا الرسول محمد - صلي الله عليه وسلم - اللي ناس كتير مش تعرف عنه غير بعض القصص و الحكايات بس مش عارفين حاجة مهمة .. انه دافع عننا طول حياته .. بس احنا مش عرفنا ندافع عنه
ايوة مش عرفنا ندافع عنه و هيجي يسالنا يوم القيامة يقولنا انا دافعت عنكم و بذلت حياتي لكم
ازاي يسبوني و يستهزأوا بيا و انتم مكانكم مش عارفين تنصروني يا تري هتقوله ايه في الموقف دا
تعرفوا إن فيه واحد مسلم راح لقبر الرسول بالمدينة و قال للرسول يا رسول الله لا أملك غير لساني ادافع به عنك في كل حديث او خطبة لي ليتني املك اكثر
يا تري يا جماعة كلنا هنقدر نسافر للمدينة لقبر الرسول و نعتذر له و نطلب منه السماح لعدم قدراتنا علي الرد
و مين قال اننا مش نقدر نرد او مش نقدر ندافع عن اللي بيحبنا .... طب تعالي كدا خلي واحد يشتم حبيبتك شوف انت ممكن تعمل معاه ايه
ما بالك بقا برسول الله اللي بيحبنا من قبل ما يشوفنا عشان كدا كتبت الموضوع في قسم حب و لا
و انا عن نفسي هدافع باني احب رسولي دا اكتر و اعمل ساعة كل يوم مخصوص للرسول من وقته اذكره فيها و اصلي عليه
يا تري لو انت بتحبه هتعملي زيي و لا عندك اقتراح افضل مني ممكن تشاركنا فيه و ناخد الثواب عشان دا يكون شاهد لينا قدام رسول الله اللي بيحبنا من غير ما يشوفنا
موضوع: ازاي بيحبني من غير ما يشوفني 
الجمعة يونيو 26, 2009 12:21 am
