يوميات المواطن حنفى

لسلام عليكم يا أحلى اعضاء
النهاردة جايبالكوا يوميات المواطن حنفى ويا رب تعجبكم
ودلوقتي الحلقه الاولى

يوميات المواطن حنفي
الحلقة الاولى : فى البيت

( حنفى نازل الشغل الصبح بدرى )

الزوجة : انت نازل الشغل ياحنفى ؟

حنفى : لا نازل ألعب كوره ياولية بطلى الاسئلة المتخلفة دى

الزوجة : طب بس براحة عليا شوية ده احنا لسة على الصبح يعنى

حنفى : هو انتى اللى شافك يبقى شاف صبح مش عارف أنا كل يوم الواحد يصطبح بالخلقة دى

الزوجة :استغفر الله العظيم يارب ايه ياراجل انت هو انت راكبك عفريت ولا ايه؟

حنفى : وهو برضه فى عفريت يطيق يقعد فى شقة انتى قاعدة فيها؟

الزوجة : طيب ياسيدى أنا مش هرد عليك هات مصروف الشهر عشان أنا نازلة السوق كمان شوية

حنفى : ليه ؟ هو النهاردة كام فى الشهر؟

الزوجة :النهاردة أول يوم فى الشهر ياحنفى و مافيش ولا مليم فى البيت

حنفى : ياولية هو انتى منبه بيضرب أول كل شهر ؟ مافيش مرة كده تحصل معجزة وتنسى موضوع المصروف ده؟

الزوجة : قصر ياحنفى وهات الفلوس عشان اشوف اللى ورايا

حنفى : والله ياختى مهمة أوى سيادتك والحاجات اللى وراكى مقطعة بعضها ومش لاقية وقت ياعينى

الزوجة : اللهم طولك ياروح ياراجل انت هو انت مافيش يوم تعديه كده من غير خناقة

حنفى : وهو انت حد يشوف وشك ومايتخانقش طب ايه رأيك بقى مافيش فلوس النهاردة ويبقى اتصرفى انتى بقى ان شا الله تعملى الاكل زيت وملح

الزوجة :حنفى

حنفى : ياست بقى بلا حنفى بلا زفت أنا خافى فى داهية الهى يارب أرجع الاقى الانبوبة فرقعت فى وشك

( وبعدين يرزع الباب وينزل )

ان شاء الله
أشوفكم الحلقه الجايه
سلاااااااااااااااااااااااااام
ومستنيه الردود وارائكم عليها

هههههههههههههههههههه
الاخ حنفى دا عصبى اوى

جامدة الحلقة يا انجل
ومستنيين باقى الحلقات

هههههههههههههههههههه
الاخ حنفى دا عصبى اوى

جامدة الحلقة يا انجل
ومستنيين باقى الحلقات

هههههههههههههههههههه
لا والله ده راجل زى العسل
وانت اللى هتحكم عليه بكده
يارب تعجبكم بس
وان شاء الله تشوفوا الحلقه الجايه

خلاص انا مش هحكم عليه م اول حلقة

بس اقدر احكم على التوبك

جميل اوى وياريت يتثبت

حلقه جميله
شكرا ليكى

ههههههههههههههه
ايه الراجل ده
مفترى

حلو ياقمر
يلا نزلى الحلقه التانيه

خلاص انا مش هحكم عليه م اول حلقة

بس اقدر احكم على التوبك

جميل اوى وياريت يتثبت

ميرسى بجد لكلامك الجميل ده
وادعى معايا انه يتثبت

حلقه جميله
شكرا ليكى

منورانى يا قمر
بجد ميرسى على مرورك الجميل

ههههههههههههههه
ايه الراجل ده
مفترى

حلو ياقمر
يلا نزلى الحلقه التانيه
هههههههههههههههههههههههههه
منورانى يا جميل

اهلا بيكم يا اجمل اعضاء فى الدنيا
مش هاطول عليكم
يلا ننزل بالحلقه التانيه
فى الشارع

( حنفى ماشى فى الشارع بسرعة فخبط ست معدية بكتفه )

الست : حاسب ياحمار

حنفى : ايه قلة الادب دى ؟ ايه حاسب دى ؟

الست : مش تفتح وانت ماشى بدل ما تخبط فى خلق الله كده

حنفى : ياست أنا حر أفتح أقفل عينى وانا حر فيها وبعدين هو حد قالك تمشى فى الشارع مالتاكسيات مالية البلد أهى و لا هى طولة لسان على الفاضى وبعدين ايه اللى حصل يعنى ؟ كسرتلك ايد خلعلتلك رجل فقعتلك عين و لا هو دلع ومياصة وخلاص ؟

الست :على فكرة انت قليل الادب ومش محترم

حنفى : ياسلام ياختى محسسانى انك انتى اكتشفتى حاجة جديدة يعنى

الست : يعنى انت ترضى تعمل كده مع أختك

حنفى : لا طبعا مارضاش ده لو أختى أنا كان زمانى رميتها تحت الاتوبيس اللى جاى هناك ده

الست: لا , واضح انك مش عايز تجيبها لبر

حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة

الست : أنا مش هارد عليك لان مستواى وأخلاقى
مايسمحوليش انى ارد على واحد زبالة كده زيك

حنفى : قولتلك بلاش قلة أدب ؟ ايه زيك دى ؟

الست : روح ياعم الله يهديك

حنفى : ماشى ياختى الله يسهلك الهى يارب وانتى ماشية فى الشارع تعدى من تحت بيتنا تقوم الانبوبة اللى هى هتفرقع فى مراتى تفرقع فيكى انتى كمان ستات آخر زمن

(وبعدين يسيب الست ويكمل طريقه فى انتظار مشكلة أخرى )

ربنا يهديك شوية يا حنفى
خلى بالك
عشان صحتك

ربنا يهديك شوية يا حنفى
خلى بالك
عشان صحتك

هههههههههههههههههههههههههه
اااااااااااااااامين
ميرسى لمرورك يا سمسم
اليوميات منوره بيك

العصبيه مش لزيزه عشانك ياحنفى
انا خايفه يطقلك عرق وماتكملش الحكايه

العصبيه مش لزيزه عشانك ياحنفى
انا خايفه يطقلك عرق وماتكملش الحكايه

ههههههههههههههههههههههههه
ان شاء الله هتغيروا الفكره دى الحلقه الجايه
وهتحكموا عليه
ميرسى يا قمر على مرورك
منورانى دايما

ههههههههههههههههههه

ايه حنفى ده مخنوق من نفسه على طول ليه كده؟؟

حتى اللى ماشيين فى الشارع مش طايقهم

بجد هاااااااااااااااااااايل يا انجل

تسلمى يا قمررر

يلا منتظرين بقية الحلقات

بس اوعى الحلقة الجاية يكون انتحر

ههههههههههههههههه
موقف جميل مع الست
تسلم ايدك يا انجل
مستنيين باقى الحلقات

ههههههههههههههههههه

ايه حنفى ده مخنوق من نفسه على طول ليه كده؟؟

حتى اللى ماشيين فى الشارع مش طايقهم

بجد هاااااااااااااااااااايل يا انجل

تسلمى يا قمررر

يلا منتظرين بقية الحلقات

بس اوعى الحلقة الجاية يكون انتحر

هههههههههههههههههههههههه
لا وربنا ده راجل زى القمر

وبكره نشوف
منورانى يا اجمل رحيق بجد
ميرسى ياقمر

ههههههههههههههههه
موقف جميل مع الست
تسلم ايدك يا انجل
مستنيين باقى الحلقات

هههههههههههههههههههههه
ميرسى لمرورك يا جينيس
دايما منور التوبيك بامانه
ميرسى بجد

حنفى ده عصبى وقليل الزوق اوى
فيه راجل يكلم واحده بالطريق دى اخص عليه

ههههههههههههههههه
عصبى بجد اوى

تسلم ايدك انجل على الحلقه
ويلا فى انتظار الحلقه التالته

حنفى ده عصبى وقليل الزوق اوى
فيه راجل يكلم واحده بالطريق دى اخص عليه

ههههههههههههههههه
عصبى بجد اوى

تسلم ايدك انجل على الحلقه
ويلا فى انتظار الحلقه التالته

ميرسى لمرورك يا قمر
منورانى دايما والله
وان شاء الله الحلقه هتنزل دالوقتى

طيب فين الجزء التالت
عماله تشكرى فيه من بدرى
ماتورينا بقى
انا تعبت من الانتظار فعلا
وما احبش اتعلق كده
يلا والنبى يا انجل

طيب فين الجزء التالت
عماله تشكرى فيه من بدرى
ماتورينا بقى
انا تعبت من الانتظار فعلا
وما احبش اتعلق كده
يلا والنبى يا انجل

ههههههههههههههههههه
حاااااااااااضر يا قمر
انتى تؤمرى بس

الحلقة الثالثة : فى المواصلات

(حنفى واقف فى الشارع مستنى ميكروباص , حنفى لقى ميكروباص جاى من بعيد فشاورله والميكروباص وقف له)

حنفى : رايح مدينة نصر يا اسطى؟

الكمسرى : ايوه يا أستاذ تعالى

حنفى : لا ده أنا رايح الهرم , روح انت

الكمسرى : امال بتقول ليه مدينة نصر ياعم انت , ولاهى عطلة وخلاص

حنفى : ياجدع باطمن ان فيه مواصلات لمدينة نصر , يمكن أفكر أروحها فى يوم ولا حاجة , وبعدين أنا حر أسال السؤال اللى أنا عايزه و لا هى الاسئلة بقت بفلوس اليومين دول ولا ايه ؟

(سواق الميكروباص مشى بالعربية بسرعة قبل ماخناقة تحصل بين الكمسرى و حنفى , حنفى لقى ميكروباص تانى جاى فشاورله والميكروباص وقف )

حنفى : رايح الهرم يااسطى ؟

الكمسرى : ايوه يااستاذ تعالى

حنفى : طيب معاك مكانين فاضيين ؟

الكمسرى : لا والله معلش يابيه , مافيش غير مكان واحد

حنفى : طيب كويس أنا عايز مكان واحد بس , اصل انت لو كان معاك مكانين ماكنتش هاركب

الكمسرى (عمل انه ماسمعش حاجة ): انت نازل فين ياأستاذ؟

حنفى : نازل الهرم ان شاء الله

الكمسرى (مبتسما):خوفو ولا خفرع ولا منكرع؟

(بعد كده أدرك الكمسرى انه ارتكب غلطة فادحة لما فكر انه يهرج مع حنفى )

حنفى : لا رايح عند أبو الهول ياخفيف , سمعت انه تعبان فقلت لما أروح اطمن عليه يمكن محتاج حاجة منى كده ولا كده و أو يكمن ابنه الهول محتاج حد يوديه المدرسة أهو زى مابيقولك اعمل الخير وارميه فى وش السواقين ياخفيف

الكمسرى (مكشر) : الاجرة يا بيه

حنفى : عمال أقولك رايح أزور ابو الهول وباكلمك عن عمل الخير و وانت تقولى الاجرة الدنيا بقت وحشه أوى ياجدعان

الكمسرى : يابيه الاجرة لو سمحت عشان أشوف اللى ورايا

حنفى : هو فيه ايه يا رجالة هى مصر كلها بقت مهمة ولا ايه , كل ما أكلم واحد يقولى خلص عشان أشوف اللى ورايا , حاجة تفقع المرارة , ماتكونش انت والولية مراتى فاتحين شركة مع بعض ولا حاجة

الكمسرى : يابيه الاجرة عشان اليوم يعدى , مش عايزين نضايق على حد

حنفى : ياماما , تصدق اترعبت يا أخى , طب ايه رأيك بقى ان أنا مش دافع الاجرة الا لما أنزل , وكله بالقانون

(حنفى طلع رجل بتاع قانون اهو)

الكمسرى : يعنى انت فارقة معاك أوى انك تدفع لما تنزل عن انك تدفع دلوقتى

حنفى : يا جدع أنا حر أدفع دلوقتى , أدفع كمان ثانيتين , أدفع لما أنزل , أدفع المرة جاية , فلوسى و أنا حر فيها

الكمسرى : وقف يا أسطى لما نشوف أخرتها مع الجدع ده ايه

حنفى : آه وماله , وقف يااسطى لما نشوف أخرتها معاكو ايه

(الكمسرى يدخل ايده فى بقه ويطلع موس ويحطه على رقبة حنفى)

الكمسرى : هتدفع ولا تتشاهد على روحك

حنفى : هو حضرتك صدقت ولا ايه , ده أنا كنت بهزر معاك يا أخى يااه , ماكنتش أعرف انك عصبى أوى كده , هى الاجرة كام ؟

الكمسرى : جنيه ونص

حنفى : خد اتنين جنيه اهمة , ياراجل اخزى الشيطان وشيل البتاع ده من على رقبتى أبوس ايدك , ده أنا كنت بهزر والله و وآدى ياعم راسك أبوسها

(الميكروباص كمل طريقه وحنفى قاعد جواه زى الكرسى اللى هو قاعد عليه وحاطط عينيه فى الارض لحد ماوصل لمحطته , حنفى نزل زى الصاروخ وطلع يجرى ناحية أقرب .......حمام )

سلام يا احلى اعضاء
وعاوزه اعرف ارائكم
ونكمل الحلقه الجايه

هههههههههههههههههههههههههههه
يستاهل
عشان لسانه الطويل

» يوميات مشرف فى المنتدى
» يوميات صرصور ...ههههههههه
» يوميات الزوج المصرى !
» صور من يوميات المفتش كرومبو