تقدر تكره انسان حبيته ؟؟؟؟؟... موضوع للنقاش

شوفته .. اعجبت بيه .. ارتحت له ..

مرت الايام .. زادت اللقاءات .. ياه .. قلبك فيه حاجه جديده عليه .. حبيته ..

بتبتدى قصه حبكم بحب كان فين الحب قبل ما اهواك ..

بتمر الايام .. و بتمر الشهور .. و ممكن سنين ..

لقيت اللى اديته قلبك ميستهلوش..

لقيت اللى منحته عششقك مكنش قده ..

اديته كل حاجه .. اخد كل حاجه .. و بعدين قالك انت و لا حاجه ..

خليته اول اهتماماتك .. كان كل حياتك .. بتكتشف انك مكنتش اى حاجه بالنسبه له ..

بتكره حياتك .. بتكره نفسك .. اكتئاب حاد .. انهيار عصبى .. بتسال نفسك ميه الف ليه و ليييييييييييييه ..

بتندم على كل دقه قلب .. كل دمعه عين .. كل لحظه تفكير ..

و بتمر الايام .. بتفضل كتير على الوضع ده .. و يوم بعد يوم جرحك بيكبر .. و حبك بيقل .. و فى لحظه .. بتحس ان اللى كان كل حياتك قدرت تطلعه من حياتك .. و مبقاش الا ذكرى من ذكريات حياتك ..

و النقطتين بيبقو نقطه واحده .

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

مشوار طويل اسمه قصه حب فاشل .

و بعد ما ابتدتها بحب كان فين الحب قبل ما اهواك بتنهيها بعلمتنى منطقش كلمه حب تانى مفيش انسان هيسكن تانى قلبى قلبى بعدك حاجه تانيه مستحيل يضعف لثانيه

و لو حتى مؤقتا

لكن يا ترى بعد الحب ده كله

بعد ما علمك معنى الحب

بعد ما ذوقك السعاده اللى بجد

بعد ما على بيك لاعلى سما

و نزلك لوحدك سابع ارض

بعد الجرح بعد الغدر بعد الظلم بعد الخيانه

بعد الليالى السودا بعد النوم اللى طار

يا ترى بعد ده كله تعرف تكره انسان حبيته ؟؟؟؟؟؟؟؟؟؟؟؟؟؟؟؟؟

هوه طبعا مش سهل اني اكره او انساه
بس اكييييييييييد هحاول ع اد ما اقدر

ميرسى للمرور والرد يافله

بس انا عايز اسألك على حاجه
هتحاولى تنسى ويبقى ذكرى
ولا هتحاولى تكرهى ؟؟
أنا بقول انك ممكن تعيشى وتنسى او تتناسى
بس تكرهى
أفتكر صعبه شويه

بص يا مودي اولا انا مش بعرف اكره حد

حتي لو غلط فيه
بس ممكن احاول ع اد ما اقدر اني انساه ومش افكر فيه

ال بيحب حد عمره ميكرهه
بس ممكن انسى الحب ده
بحب حقيقى تانى
الحياه عمرها مهتوقف لما قصه حب تفشل

كده تمام يافله

وميرسى يانور على ردك
وفعلا الدنيا عمرها مابتقف على حد
ولا عشان قصه حب فاشله
نورتونى جدا

فعلا زي ما نور قالت

الي بيحب عمره ما يكره
بس ممكن تقدر تنسي لكن تكره نوووه

اولا: صياغتك فى الكلام تحفه

بجد هزتنى وتاثرت لان هوا
دا الكلام اللى كان نفسى اقوله لنفسى
ثانيا: فعلا اللى بيحب عمره ما يكره
بس مش هيبقى ليك نفس تبص فى وشه
لانك بتشوف واحد تانى خااااااااااالص
غير اللى عرفته
بس بجد توبيك جااااااااااااااااااااااااامد
احيك عليه تصفيق

عاشقه القمر كتب:: فعلا زي ما نور قالت

الي بيحب عمره ما يكره
بس ممكن تقدر تنسي لكن تكره نوووه

ميرسى جدا على الرد

وأكيد كلامك صح جداااا

snow white كتب:: اولا: صياغتك فى الكلام تحفه

بجد هزتنى وتاثرت لان هوا
دا الكلام اللى كان نفسى اقوله لنفسى
ثانيا: فعلا اللى بيحب عمره ما يكره
بس مش هيبقى ليك نفس تبص فى وشه
لانك بتشوف واحد تانى خااااااااااالص
غير اللى عرفته
بس بجد توبيك جااااااااااااااااااااااااامد
احيك عليه

ميرسى جدا ياجميل على الرد

عاادى ممكن جدا بكل بساطه
اصلا الانسان هو اللى بيعلق نفسه فالوهم دا
وفالاخر عذاب بقى ودوشه
طب وعلى ايه محنا كدا كويسين
بس اقلك على حاجه هى مش سهله على كل الناس

بصى احنا بطبيعتنا مبنعرفش نكره

النسيان اه ممكن
لكن نكره ؟؟
مش عارف
بس انا معرفتش اكره حد مهما كان اللى عمله فيا

ساعات بيبقى كل واحد مننا محتاج لاقرب الناس لية
وطبعا الحبيب بيقى الاقرب لاى انسان
بس لما تكون محتاجلة ومش هتلاقية
هتاخد عزاة بنفسك
يعنى اة هتكرهة

تقدر تكره انسان حبيته ؟؟؟؟؟... موضوع للنقاش 437wonderfullf

تقدر تكره انسان حبيته ؟؟؟؟؟... موضوع للنقاش 437wonderfullf

تقدر تكره انسان حبيته ؟؟؟؟؟... موضوع للنقاش 62_mo1

اولا يا محمود توبيك
هااااااااااايل
ثانيا اكيد الانسان اللى انت حبيتة لو عمل حاجة تنزلة من نظرك
هتضطر تكرهة

انا شايفة انى عمرى ماهكرة حد حبيتة فى يوم من الايام حتى لو قلتلة بكرهك هيكون من جوايا مش كدة خالص
واصلا ميستهلش انى اسأل نفسى انا بكرهة ولا بحبة
توبيك جميل اوى يا صقر وتسلم ع السؤال دة بجد سؤال مهم اوى

يااااااااااااااااااااااااالهوى
بجد الكلام ده اثر فيا اوى
وفكرنى بحاجات ماكونتش عايزه افتكرها
بس انا عن تجربه
بقول انه صعب مش صعب ده مستحيل انك تكره انسان حبيته
مستحييييييييييييييييييييييييييل
هاتنساه اه مش هاتفكر فيه تانى هاتخرجه من حياتك
لكن تكرهه ده مش ممكن خالص

» تقدر تعيش تحت الارض؟؟؟
» أتحداك تقدر تعض انفك.......بص بس
» هل يمكن ان تكره من احببت؟!
» هل يمكن ان تكره من احببت؟؟
» ما سبب تغير المشاعر..دعوة للنقاش ,,,