سوري .. ما بـديــش إمـيـلي لـحــد

snow white كتب:

بص يا بندق انت بجد طرقت موضوع مهم اوووووووووى

وانا اول ما قراته خرجت منه, لانك وجهتنى بالحقيقه
لانى بامانه من البنات ديه وفعلا مش بحب اكلم صبيان على الايميل
على الرغم انى باتكلم على المنتدى ده( ودا الوحيد) لانى اتعرفت عليكوا
وحسيت انى منكم و اصدقائى وكلنا مع بعض ينضحك بنحكى اسره يعنى.
_بس لو فرضنا ان حد منكم عاوز ايميلى انا مش هكلمه عليه ولا اعطي له
لانى بصراحه مش قادره احدد السبب الحقيقى:
_جايز لانى من زمان واخده انى فكره الشات ده غلط ومصيبه ,مش عارفه.
وجايز لانى ما فيش حاجه تربطنى بالولد ده علشان نتكلم مع بعض( مش شرط يبقى كلام جانبى
لا انا بتكلم عن الكلام العادى عمتا)
وللعلم انى بعرف اوقف كل حد وانه ما يتخطاش الحدود بتاعته يعنى استاذه فى الرد
( ومتهيالى انت عارف كده,ههههههههههههههه)
وساعات بحس انه عدم احترام للبيت خصوصا لما حد يسالك انت بتكلم مين؟
تقول واحده صحبتى وبعدين بصراحه احنا عندنا فى البيت الشات
لايجوز علشان كده انا اخدته مبدأ على الاقل اقعد براحتى على النت
ولا اخاف ولا حاجه
بس ايميلى انا عملته للاقاربى واصحابى البناويت
وشكراا يارب تكونوا فهمتوا قصدى

بصى يا لولو انا بجد شفت الموضوع دا كتير ومش فاهم ليه بصراحه
بس اللى يأمن لحد يأمنله فى كل حاجه مش فى حاجات وحاجات
والا اصلا كان فين سبب الامان دا من الاول

اقصد انى لو صادقت حد اخده كله على بعضه فى كل حاجه

مش اعرفه على منتدى وفين وفين على ما اشوفه

وكمان حاجه انتى اصلا لو انتى شاكه فى حد فينا مكنتيش هتعرفينا من الاول

مش كده

وبالنسبه لردودك انا فعلا اكتر واحد عارفها


اسال مجرب ولا ايه يا عيسووووووووووله

أماني كتب:

المتعارف دلوقتي في الزمن ده إن أي ولد بيطلب الميل أكيد لعلاقه غرامية (بس مش هنعمم لإن دا الشائع دلوقتي )

أنا عن نفسي إستحالة أدي إيميلي لأي ولد
وبصراحة أكتر أنا بخاف من المنتديات بشكل عام لأكتر من واقعة حصلت مع أصحابي (بس بردو مش هنعمم لإن في منتديات كويسة زي أجدع صحاب )
لو سؤالك أنا بعمل ميل ليه لإن واحده زي عايشة خارج مصر احب التواصل مع أهلي وأما أجي في الأجازه بحب التواصل مع أصحابي اللي في الدولة اللي أنا عايشة فيها مع إن أكثرهم من دول عربية شقيقة فكلنا بنسافر إلى بلدنا في الأجازة ونحب التواصل


بجد توبيك هايل فكرته حلووووووووووه أوي

امممممممممممممممممممممم

عندك حق تخافى وتدى حذرك

بس لو فضلنا كده مش هناخد تجارب من الحياه وهنبقى ضعاااااااااااف اوى


وميرسى لمرورك

sweet love كتب:

بص يابندق الواحد من كتر مابشوف بقى بيخاف
النت بجد دلوقت ملياااااااااااااان بلاوى
ولما ولد بيطلب ايميلى برفض لانى ما اعرفش ازا كان انسان كويس ولا لا
علما اننا فى البيت عادى لو هاكلم حد بس المهم مايشوفش صورتى مثلا او يتعدى حدوده فى الكلام معايا
وحاجه كمان انا مابطمنش لاى ولد حتى لو كان زميلى فى الكليه يعنى شايفاه وعارفه عنه معلومات فتخيل بقى حد من النت كل كلامه متوقع يكون كزب
عشان كده مابحبش اخد ايميل حد وانا عامله الايميل عشان اكلم اللى بحبهم من قرايبى واصحابى

اممممممممممممم

بجد عندك حق يا سويت

كل كلامك صح

بس برضه مش عيب اننا نتعرف على الناس

فى مثل بيقول حرص ولا تخون

ولا ايه

ولازم ناخد تجارب من الحياه وكل ما نتعرف على ناس اكتر هنشوف تحجارب اكتر ونتعال مع ناس اكتر

ودا فى حد ذاته مكسب لينا

شوف يابندق غالبيه البنات بيعملوا كده عشان مش بيكونوا واثقين فى الشخص ده
لان فيه شباب كتير اوى بيتكلموا فى كلام مش كويس
او بيظنوا ظن وحش فى البنت اللى تديله الميل
فعشان كده الواحده مش بتبقى عايزه حد يظن فيها الظن ده
بس المفروض يكون فيه ثقه منها ليه